تبي تضحك شوف معاناة خبل في بطن امه

في البداية يوم كنت نوووطفهـ
ظنيت إني من كريات الدم البيضاء
ماعرفت إني من بني البشر إلا لما قالت( الدكتورهـ ) لأمي مبرووكـ ياست هانم
إنتي حامل
عاد أمي من الفرحة حطت يدها على بطنها في المكان اللي أنا موجود فيهـ
عرفت إني المقصود وفهمت إني مشروع بني آدم . .
بيني وبينكم ضاق صدري ..
قلت وش لي بوجع الراس أطلع لعالم ثاني وأصير إنسان وفي حساب وعقاب وأدرس .
همس لي عقلي وقال
إحمد ربك بتطلع وبيصير عندك إيميل وماسنجر 8
صحيح أنه يطفش بس ماعليه وتشترك في منتديات ,,
قلتله وأصير مشرف في منتدى قالت كل تبن إلا ذي .,
فرحت أنا قلت أجل بطلع اللحين قال بدري باقي تسع شهور <<<< (تحطيم)ـ .,
ولما صار لي خمس شهور كنت حاسس إني ذكر بس قلت يمكن أكون بنت -
لاحوووووووول بس
جلست أقطع من الشعيرات الدمويه وأقول
غلام فتاه.. صبي صبيه.. بزر بزرهـ
وأنا أفكر سمعت صوت أبوي يكلم أمي
حاولت أركز ايش يقولها قربت إذني طلع أبوي يتغزل في أمي
(تم تشفيره .....)
كنت بتصل عليهم وأقول إستحوا أنا أسمعكم
بس لم تسنح لي الفرصهـ
بصراحهـ إستحيت من كلام أمي وأبوي قلت أنام أحسن لي
عيب أتصنت عليهم بعدين يعاقبني ربي ويصير ولدي يتصنت علي ...
جلست أمص اصبع رجلي لين نمت

وبعد فترهـ سمعت صوت قوووي يتجه ناحيتي
قمت بطولي إلا ويرتطم راسي ببطن أمي
آآآآخ بس قوة الصوت نستني الوجع الله لايوريكم
كأنه شلااال مدحدر علياا أحاول أهرب منا ولا منا هنا ولا هناك مافيه مجال
ربي ستر ومر من جنبي وماتأذيت
طلعت أمي اللي يهديها شربت مويااا بكميه كبيره على غير العادهـ
بس والله تونست جلست ألعب بالمويا برجووولي ,,, وكنت بسبح بس ماعندي مااايوهـ ..
لما جاء الشهر السابع راحت أمي ومعاها أبوي للدكتوره تطمئن أمي على صحتها
طبعا نامت أمي على السرير وابوي واقف جنبها ( بيحسسها بالأمان )
قلت حشااا
ليه هو انتي حامل بوحش !!

الدكتورهـ حطت جهاز على بطن أمي وبدأت تحرك يمين يسار فوق تحت
وهم يشوفوني على الشاشه
عاد أنا قمت اتكشخ وأتدلع واحرك رجلي وأفتح عيوني وأغمضها بنعومهـ وأمص أصبعي .,
وأمي وأبوي يتبادلون نظرات الحب والرومانسيه ويبتسموااا

ويوم شالت الجهاز وإنقطعت عن الرؤيه ..
وأنا أقول فكهـ كأن عمرهم ماشافوا بزر ..

سألت أمي الدكتورهـ متى موعد الولادة
قالت باقي شهرين سمعت الخبر ويجيني إنهيار عصبي
شهرين يامفتريه خلاص أنا طفشت أنكتمت الجووو حار مافيه حتى مكيف صحرواي
قلت مايصبرني عاد غير النوم ونمت شهرين (نومة أهل الكهف)

صحيت من النوم وحسيت بملل وفراغ قاتل
حاولت أرفهـ عن نفسي ورحت ألعب لعبة الحبل بإستخدام الحبل السري
وجلست أتنطط وأغني شبره أمره شمس نجوم كواكب هوا واحد اثنين ثلاثه هيييييييييييييييه ...

وفجأه من قوة ماأنطط تزحلقت
وأنقلب ويصير راسي تحت ورجولي فوق
قامت أمي تصررخ .,

أخذها أبوي على طووول لأقرب مستشفى قال الطبيب هذي ولااااااااده
لما سمعت الخبر وأنا فرحت وبديت أكشخ وارتب حالي
إستعدادا للقاء الأول مع صديقي بالحضانهـ
وأمي كل شوي تتعالى صرخاتها حطوها على السرير متوجهين لغرفة الولاااااده
وأبوي يمشي جنبها ويقولها لاتخافي أنا معاكي

ترد أمي أخاف أموت وانا اولد , أبوي رد عليها والدموع تنهمر من عينيه ياجعل يومي قبل يومك
<===<< متأثر بالأفلام

طبعاً نقلوا أمي للسرير الموجود بالغرفه وجاء الدكتور ومعاه الممرضات .,
قال الدكتور لأمي زفيييييييييير أمي فهمتها عكس أدتها شهييييييييييق
واذا انا اللي أنشفط وأدخل جوّووا
دقيت أمي بكوعي قلتلها يقولك زفير زفير
الظاهر أمي سمعتني وزفرت زفرة وتدفعني أمي بقوه وأنا طلعت بسرعة 180 ميغابايت

وطلع كل شي فيني الا خشمي
قلت لاحووووول هذا اللي كنت خايف منه
إستدعى الدكتور الطاقم الطبي عشان يطلعون خشمي
حاولوا المرهـ الأولى والثانيه مانفع وبعد ثالث محاوله طلعوهـ ( الثالثه ثابتهـ )
جلست أبكي وأقول للدكتور غض البصر

وتشيلني الممرضه على يدها وتلفني بذاك الأبيض
ياسلاااااااام وأخيرا انتهت معاااناتي...

هههههههههههههههههههههههههههه
اتمنى تعجبكم